Хөхний булчирхайн гиперплази бүхий эмэгтэйчүүдэд Гүргүм нэмсэн Сүгмэл-7 эмийн үзүүлсэн нөлөө

Хураангуй

Тус өгүүлэлд Өвөр монголын үндэстэний их сургуулийн харьяа эмнэлгийн эмч профессор Б.Мандахын уламжлалт эм найрлага Сүгмэл-7 жорын дээр гүргүм нэмж эмэгтэйчүүдийн хөхний булчирхайн гиперплази өвчнийг амжилттай эмчилж ирсэн олон жилийн эмчилгээний туршлагыг үндэс болгон дээрх оноштой эмнэлзүйн 80 тохиолдолд хийсэн эмнэлзүйн судалгааны үр дүнгээс танилцуулжээ. Зорилго: Хөхний булчирхайн гиперплази бүхий эмэгтэйчүүдэд Гүргүм нэмсэн Сүгмэл-7 эмийн үзүүлэх нөлөөг Мастодинон бэлдмэлтэй харьцуулан судлах. Арга, аргачлал: Судалгаанд оролцогчдыг санамсаргүй түүвэрлэлтээр сонгож, нэг агшингийн эмнэлзүйн санамсаргүй хяналтат ажиглалт судалгааны загвараар хийж гүйцэтгэлээ. Эмнэлзүйн ажиглалт судалгааны бүлэгт Монгол эм Гүргүм нэмсэн Сүгмэл-7 эмийг өдөрт 2 удаа, тус бүр 5гр бүлээн усаар даруулж уулгав. Харьцуулах бүлэгт Мастодинон шахмал эмийг 1 ширхэгээр өдөрт 2 удаа, нийт 6 долоо хоног уулгав. Үр дүн: Хоёр бүлгийн хөхний булчирхайн гиперплази өвчний ерөнхий эмчилгээний үр дүнг адилтган, х2 үзүүлэлтээр шинжлэхэд хоёр тохиолдол хоорондоо илэрхий зөрөөтэй (р<0.05), энэ нь ажиглалтын бүлэг харьцуулалтын бүлгээс илүү үр дүнтэйг харуулжээ. Дүгнэлт: Гүргүм нэмсэн Сүгмэл-7 эм найрлага нь эм бэлгийн дааварт зохих эерэг нөлөө үзүүлж хөхний булчирхай хэт өсөх өвчнийг анагаадаг. Тус эм нь эмчилгээний явцад хүний биед хор нөлөөгүй.