Хүүхдийн дундах арьсны мөөгөнцөрт өвчний үүсгэгчийн бүрэлдэхүүнийг судалсан байдал

Хураангуй

Мөөгөнцөрт өвчин нь сүүлийн жилүүдэд тогтвортой өсч байгаа бөгөөд эрүүл мэндийн тулгамдсан асуудал болж байна. Арьсны мөөгөнцөрт өвчин нь аль ч насанд тохиолдож болохоос гадна мөөгөнцөр хүүхдэд мөн өсвөр насанд илүүтэй тохиолдож байна. Үүсгэгч нь газарзүйн орчноос хамаарч өөр өөр байхаас гадна, цаг уур, эдийн засгийн байдлаас хамаарч тархалт, өвчлөл нь харилцан адилгүй байгаа нь, мөөгөнцөрт өвчний үүсгэгчийн бүрэлдэхүүнийг судлах, хүүхдүүдийн дундах өвчлөлийг судалсан судалгаа ховор байгаа нь судалгааны үндэслэл боллоо. Судалгааг 2014-2019 онд АӨСҮТ-н мөөгөнцрийн лаборатор, шууд гэрлийн микроскоп, тэжээлт орчинд өсгөвөрлөх шинжилгээний бүртгэлийн материалыг ашиглан 0-18 насны хүүхдийн арьс салстын мөөгөнцрийн өвчлөл, лабораторийн шинжилгээг дүгнэв. Судалгаанд 0-18 насны 13413 үйлчлүүлэгч хамрагдагдсан ба дундаж нас 7.88 байсан. Эмнэлзүйд их бие 28.31%, толгой 23.42%, нүүр 21.46%, гарын 10.47% хэсэгт мөөгөнцөрт өвчнөөр давамгай өвчилж байна. 0-5 насны хүүхдэд 5226 (38.96%) тохиолдол бүртгэгдсэн нь 0-5 насны хүүхдэд өвчлөл хамгийн өндөр байна. Тэжээлт орчинд өсгөвөр шинжилгээнд мөөгөнцөрт өвчний үүсгэгч нь C. albicans 150 (31.45%), T. spp 1 (0.21%), M. canis 4 (0.84%), C. krusei 2 (0.42%) мөөгний төрлүүд байлаа.