Гийен-Барре хамшинжийн эмнэлзүйн онцлог, түүнд нөлөөлөх хүчин зүйлсийн судалгаа

Хураангуй

Гийен-Барре Хамшинж (ГБХШ) нь хүнд явцтай, тахир дутуу үлдэх эрсдэл өндөртэй, захын мэдрэлийн аутоиммун үрэвсэлт эмгэг юм. Материал аргазүй: 2016-2019 оны хооронд ГБХШ оношлогдсон 75 тохиолдолыг хамруулан ретроспектив судалгаа хийсэн. Үр дүн: Судалгаанд 18-73 (46.4±15.1) насны 33 (44%) эрэгтэй, 42 (56%) эмэгтэй хамрагдсан. ГБХШ-ээр өвдөхөөс өмнө амьсгалын дээд замын халдвар (АДЗХ) 9.3%, суулгалт 21.3% өвчнөөр өвдсөн байсан. Намрын улиралд илүүтэй тохиолдож байна. Эрт үеийн эмнэлзүйн шинжүүдээс сул саажилт 98.7%, бадайралт 50.6% байна. Сул саажилтын үнэлгээгээр судалгаанд хамрагдсадын 17.3% нь хөнгөн, 62.7% нь дунд, 20% нь хүнд зэргийн үнэлгээтэй байв. Дүгнэлт: ГБХШ эмэгтэйчүүдэд давамгай, харьцангуй залуу насанд тохиолдож байна. Өвчний эхлэл үеийн эмнэлзүйн шинжүүд нь ГБХШ-ийн хүндийн зэрэгтэй хамааралтай болох нь ажиглагдлаа.