Хүнд зэргийн гипокалеми бүхий бөөрний сувганцрын хүчилшил 1-р хэлбэрийн эмнэлзүйн тохиолдол

Хураангуй

Бөөрний холын тахир сувганцрын хүчилшил нь нарийн эмгэг жам бүхий ховор тохиолддог амь насанд аюултай электролитын алдагдлаар илэрдэг эмгэг юм. Бид 53 настай эмэгтэй, урьд өмнө нь хүнд зэргийн цусны кали багасалт болон булчин сулрах зовиуртай эмнэлэгт олон удаа хандаж байсан өвчтөний тухай өгүүлнэ. Түүнчлэн нүд хуурайших болон ам хатах зовиуртай. Эхний үзлэгээр хлор ихсэлт бүхий бодисын солицооны ацидоз, хүнд зэргийн кали багасалт, байнгийн шээс хүчиллэг байснаас гадна шээсний анионий зөрүү эерэг байсан нь бөөрний сувганцрын хүчилшил 1-р хэлбэр гэж үзэхэд хүргэсэн. Бид калийн бэлдмэл болон бикарбонатыг эмчилгээнд хэрэглэхэд бөөрний үйл ажиллагаа сайжраагүй, бөөрний түүдгэнцрийн шүүлтийн хурд 47 мл/мин/1,73 м2 орчим хэвээр байсан боловч цусны кали тогтворжиж, хүчилшил засарсан. Гипокалеми бүхий өвчтөнүүдийг хүндрэлээс сэргийлэх, үндсэн шалтгааныг илрүүлэх, бөөрний архаг өвчин үүсэхээс сэргийлэхийн тулд нарийн үнэлэх хэрэгтэй. Давтан шалтгаан тодорхойгүй кали багасах нь оношлогоонд чухал ач холбогдолтой. Ийм учир тодорхойгүй кали бага үед үндсэн шалтгааныг илрүүлэх нь чухал юм.