Ходоод-бүдүүн гэдэсний цорго: ходоодны хорт хавдрын ховор тохиолдох хүндрэл
Түлхүүр үг:
Ходоод-бүдүүн гэдэсний цорго, Ходоодны хорт хавдарХураангуй
Ходоод болон бүдүүн гэдэсний хорт хавдрын улмаас үүссэн ходоод-бүдүүн гэдэсний цорго маш ховор тохиолдох бөгөөд үүссэн нийт тохиолдлын 30%-д нь шинж тэмдэг илэрдэг. Үүнд: суулгалт, баас шиг үнэртэй зүйлээр огиж хэхрүүлэх эсвэл бөөлжих, зарим өвчтөнүүд боловсроогүй идсэн зүйлээрээ бөөлжих, турах гэх мэт зовиур түгээмэл. Лабораторийн шинжилгээнд эрдсийн алдагдал болон хүнд зэргийн тэжээлийн дутагдал илэрч зарим өвчтөнд үүнээс үүдэн хэт туранхай (cachexia) үүссэн байдаг. Оношилгооны найдвартай арга нь тодотгогч бодис (бари)-оор бургуй тавьж рентгенд харах, ходоод дурандах, бүдүүн гэдэс дурандах аргууд болно. Үйлчлүүлэгч дээрх зовиуруудын улмаас 2020 оны 9 сард ходоод дурандуулах үед ходоодонд хавдар төст үүсгэвэр байснаас эдийн шинжилгээ авч шинжилгээний үр дүнд ходоодны “Poorly differentiated adenocarcinoma” оношлогдсон байна. Мөн хэвлийн хөндийн тодосгогчтой компьютер томографи шинжилгээнд ходоодны хавдар төст бүтэц оношлогдож уг үүсгэвэр бүдүүн гэдэсний хооронд цорго үүссэн байгаа нь тогтоогдов.
АШУҮИС-ийн цахим номын санд
Татсан тоо
Нийтлэгдсэн
Дугаар
Салбар хэсэг
Лиценз
Энэхүү сэтгүүлд нийтлэгдсэн өгүүллүүд Creative Commons Attribution 4.0 (CC BY 4.0) лицензтэй. Зохиогч болон эх сурвалжийг зөв дурдсан нөхцөлд хэн ч хуулбарлах, түгээх, өөрчлөн ашиглах боломжтой. Зохиогчийн эрх зохиогчид хадгалагдана.