Миелодиспластик хамшинжтэй хүмүүст ДНХ-ийн засварын OGG1, XRCC1 генийн полиморфизмыг тодорхойлсон дүн

Хураангуй

үндэслэл: ДНХ-ийн дан гинжний гэмтэл нь суурь зүсэх засварын OGG1 болон XRCC1 генийн оролцоотой засварлагддаг. ДНХ-ийн засварын генийн полиморфизм нь төрөл бүрийн хавдар, лейкеми болон МДХШ-ийн эрсдлийг нэмэгдүүлдэг. Иймд бид эрүүл болон МДХШ-тэй хүмүүст ДНХ-ийн суурь зүсэх засварын механизмд чухал үүрэгтэй OGG1 генийн rs1052133 болон XRCC1 генийн rs25487 полиморфизмын генотипийг тодорхойлох зорилгоор энэхүү судалгааг эхлүүлсэн. Зорилго: Миелодиспластик хамшинжтэй хүмүүст ДНХийн суурь зүсэх засварын генийн OGG1-rs1052133, XRCC1-rs25487 полиморфизмын илрэлийг цусны ерөнхий шинжилгээний зарим үзүүлэлт болон бласт эстэй харьцуулан судлах. Судалгааны хэрэглэгдэхүүн ба арга зүй: Генотипийг ОХУП-ПГУ аргаар харьцангуй эрүүл 20 болон МДХШ-тэй 9 хүнд тодорхойлсон. үр дүн: Судалгааны бүлгүүдэд XRCC1 генийн 399-р кодоны полиморфизмыг тодорхойлоход гомозигот GG генотипийн давтамж МДХШ-тэй хүмүүсийн 60%-д өндөр давтамжтай илэрсэн (p=0.04). XRCC1 генийн rs25487 полиморфизмын мутант GG генотип тодорхойлогдсон хүмүүсийн 62.5% нь бласт эсийн илүүдэлтэй байв. Дүгнэлт: XRCC1 генийн rs25487 полиморфизмын мутант GG генотипийн давтамж МДХШ-тэй оролцогчдод хяналтын бүлэгтэй харьцуулахад статистик ач холбогдол бүхий ялгаа ажиглагдсан(p-0.04). МДХШ-тэй оролцогчдод генийн полиморфизмын генотипийн илрэлийг цусны ерөнхий шинжилгээний үзүүлэлтүүдтэй харьцуулахад ач холбогдол бүхий ялгаа ажиглагдаагүй (p>0.05). ба XRCC1 генийн rs25487 полиморфизмын мутант GG генотип тодорхойлогдсон хүмүүсийн 62.5% нь бласт эсийн илүүдэлтэй байв.