Дотрын тасагт хэвтэн эмчлүүлэгчдийн дунд гипокалиемийн илрэл, авсан хариу арга хэмжээний үр дүнг судалсан дүн

Abstract

Үндэслэл: Ийлдсийн калийн хэмжээ 3.5 ммоль/л-ээс бага хэмжигдвэл гипокалиеми гэж үздэг. Эмнэлзүйн судалгааны үр дүн нь хэвтэн эмчлүүлэгсдийн дунд гипокалиеми 20% тохиолдох ба тэдний 24%д хангалттай арга хэмжээ аваагүйгээс амь насад аюултай хүндрэл үүсдэгийг харуулсан байна. Одоогоор хэвтэн эмчлүүлэгсдийн дунд гипокалемийн илрэл, менежмент, үр дүнгийн талаар судалгаа хийгдээгүй байгаа нь энэхүү судалгааг хийх үндэслэл боллоо. Зорилго: Дотрын тасагт хэвтэн эмчлүүлэгсдийн дунд гипокалемийн илрэл ба гипокалемийн үеийн менежментийн үр дүнг судлахаар зорив. А рга аргачлал: Энэхүү эмнэлэгт суурилсан баримтын судалгаанд Монгол-Япон эмнэлгийн дотрын нэгдсэн тасагт 2024.01-2024.05 сарын хооронд хэвтэн эмчлүүлсэн нийт 553 тохиолдлыг хамааруулж, калийн хэмжээ <3.5ммоль/л хэмжигдсэн тохиолдлыг гипокалиеми илэрсэн гэж үзээд, кали нөхөх эмчилгээний үр дүнг, кали нөхсөн арга, кали дутагдлын зэргээс нь хамааруулж судалсан. Үр дүн: Дотрын тасагт хэвтэн эмчлүүлэгчдийн дунд гипокалиемийн илрэл 9.8% (54) байв. Гипокалиемитэй үйлчлүүлэгчдээс судалгааны шалгуурын дагуу 42 тохиолдлыг сонгон судлахад тэдгээр тохиолдолд калийг уухаар, судсаар, холимог хэлбэрээр нийт 118 удаагийн нөхөлт хийгдсэн. Кали нөхөх эмчилгээний дараа эмчлүүлэгчдийн 37.3% (44)-д кали хэвийн хэмжээнд, хүрсэн бол 62.7% (74)-д гипокалиеми бүрэн засраагүй байв. Дүгнэлт: Судалгааны үр дүнг нэгтгэвэл дотрын тасагт хэвтэн эмчлүүлэгчдийн дунд гипокалемийн илрэл 9.8% байна. Ийлдсийн калийн түвшин хэвийн хэмжээндээ эргэж орох калийг нөхсөн хэлбэр, гипокалиемийн хүндийн зэргээс үл хамаарах ба гол нь хангалттай тунгаар нөхөх нь чухал. Эмч, резидент эмч нарын гипокалиемийн талаарх мэдлэг хангалтгүй, байгаа ба цаашид кали нөхөх эмчилгээний удирдамж, зааврыг эмнэлзүйн өдөр тутмын үйл ажиллагаандаа мөрдөж ажиллах шаардлагатай байна.