Монголын уламжлалт анагаах ухааны “Увдисын далай” эх зохиол дахь Хүдрийн заар агуулсан эмүүдэд хийсэн дүн шинжилгээ
Abstract
Сүүлийн жилүүдэд дэлхий нийтээрээ байгалийн гаралтай эмт бодис, ургамлын эм, бэлдмэл, биологийн идэвхт бүтээгдэхүүн хэрэглэх нь ихээр нэмэгдэж байгаа бөгөөд ДЭМБ-аас уламжлалт анагаах ухаанд хэрэглэж ирсэн эмт бодис, жоруудыг шинжлэх ухааны үндэслэлтэйгээр судалж үйлдвэрлэл, практикт нэвтрүүлэхийг уриалж байгаа билээ. Хүдэр нь Монгол улсаас гадна Вьетнам, Энэтхэг, Хятад, Хойд Солонгос, Өмнөд Солонгос, Орос, Казакстан, Киргизстан зэрэг дэлхийн 14 улсад 6 зүйлийн Хүдэр тархсан байх бөгөөд Монгол оронд Сибирийн хүдэр буюу Баданга хүдэр /Moschus мoschiferus Linnaeus/ амьдардаг байна. “Увдисын далай” эх зохиолд Хүдрийн заар агуулсан нийт 342 жор тэмдэглэгдсэнээс талх эм хамгийн олон буюу 259, үрэл эм 42, гадуур хэрэглэх эм 29, тан эм 7, хандан эм 4, тосон эм 1 байлаа. Мөн Хүдрийн заараас гадна түүний хорголыг эмчилгээнд хэрэглэх талаар дурдагдсан байгааг судлан илрүүллээ. Уг зохиолд нийт 29 төрлийн өвчин эмгэгийг анагаах жорын найрлагад Хүдрийн заар орсон байгаа бөгөөд оноож нэрлэсэн 214 жорын найрлагаас нян өвчин, халуун өвчин, нүдний өвчнийг засах жорууд хамгийн их байгаа бол нэргүй 128 жороос нян өвчин, аахар шаахар өвчин, толгойн өвчин, халуун өвчнийг засах жорууд хамгийн их байна.
In the MNUMS Digital Library
Downloads
Published
Issue
Section
License
Articles in this journal are published under the Creative Commons Attribution 4.0 International License (CC BY 4.0). Anyone may copy, distribute and adapt the work, provided the authors and the source are properly credited. Copyright remains with the authors.