Уламжлалт Шимшин-6 эмийн хурц болон архагдуу хорон чанарын судалгааны үр дүн

Abstract

Үндэслэл: Уламжлалт анагаах ухаанд сарын хир хоригдсон эмэгтэйн цус бүрэлдсэн өвчний үед гишүүнэ, хужир, дарву, гажа, рүда, жацу гэсэн найрлага бүхий Шимшин-6 эмийг хэрэглэхээр заасан байдаг. Сүүлийн жилүүдэд төрсний дараах умайн эргэн хөгжлийг сайжруулах зорилгоор төрсөн эхчүүдэд өргөн хэрэглэж буй уламжлалт Шимшин-6 эмийн хурц болон архагдуу хорон чанарыг судлан үр дүнг тооцохыг зорилоо. Зорилго: Уламжлалт Шимшин-6 эмийн хурц болон архагдуу хорон чанарыг тодорхойлох. Арга, аргачлал: Шимшин-6 уламжлалт эмийн хурц хорон чанарыг В.Б Прозоровский (1978) нарын түргэвчилсэн аргаар Шимшин-6 эмийн идээшмэлийг цагаан хулганы хэвлийн хөндийд тарих замаар үхэлд хүргэж буй тунг тогтоон үнэлсэн. Идэвхт тунг И.П.Западнюк (1983) нарын аргаар тогтоов. Архагдуу хорон чанарыг тодорхойлохдоо ОЕС^ 407 (2008) удирдамжийг баримтлан Вистар үүлдрийн харханд Шимшин-6 талх эмийг 162 мг/кг, шахмал эмийг 180 мг/кг, 90 мг/кг тунгаар 60 хоногийн туршид уулган ажиглаж, туршилтын төгсгөлд биохими болон цусны дэлгэрэнгүй шинжилгээ, цул эрхтнүүдэд эд судлалын шинжилгээг хийсэн. Үр дүн: Шимшин-6 шахмал эмийн ^^50=4.47 (3.39 - 5.1) г/кг байсан ба К.К.Сидоров нарын ангиллаар хурц хорон чанар багатай байна. Шимшин-6 талх эмийн ^^50=8.1 (7.1-9.4) г/ кг, хоргүй байв. Архагдуу хорон чанарыг тодорхойлоход ялтас эсийн тоо эрүүл хяналтын бүлэгтэй харьцуулахад Шимшин-6 шахмал эмийн 90 мг/ кг тундаа 46%, 180 мг/кг тундаа 29.7%, Шимшин-6 талх эмийн 162 мг/ кг тундаа 60.5%-аар буурсан, гемоглобины хэмжээ талх эмийн 162 мг/ кг тундаа 15.7%-аар буурсан байна (р<0.05). Биохимийн шинжилгээнд БНЛП үзүүлэлтийг эрүүл хяналтын бүлэгтэй харьцуулахад Шимшин-6 шахмал эмийн 180 мг/кг, Шимшин-6 талх эмийн 162 мг/кг тундаа 36.3%-аар тус тус бууруулсан байна (р<0.05). Дүгнэлт: Уламжлалт Шимшин-6 шахмал эм туршилтын хулганад хурц хорон чанар багатай байна. Шимшин-6 эмийг удаан хугацаагаар хэрэглэхэд ялтас эсийн тоо цөөрөх нөлөөтэй байна.